ඉකුත් පොසොන් පොහොය දින මූලික කර ගනිමින් බිබිල බෞද්ධ වෙළෙඳ සංගමය මගින් සංවිධානය කර තිබූ බිබිල පොසොන් කලාපයට සමගාමිව පහන් කූඩූ තරඟයට පාසල් අංශය නියෝජනය කරමින් ඉදිරිපත් වූ අප පාසල ප්‍රථම ස්ථානයට පත්ව ඇත.
ගරු විදුහල්පති තුමාගේ මඟ පෙන්වීම යටතේ පුරා සති දෙකක ප්‍රතිඵලයක් ලෙස සුවිසල් පහන් කූඩූවක් නිර්මාණය කර ගැනීමට හැකි විය. මේ සඳහා පාසලේ සියළු ගුරුවරුන්ගේ ද සහය මෙන්ම ආදී ශිශ්‍යයින්ගේ ද සහය සහ පාසල් සිසුන්ගේ ද සහය හිමි විය.
පුරා සතියක් මුළුල්ලේ ආලෝකමත් වෙමින් පොසොන් කලාපයට නව මුහුණුවරක් එක් කල අප පාසල ප්‍රථම ස්ථානය දිනා ගැනීමට සමත් වීම සම්බන්ධයෙන් මාධ්‍ය ඒකකයේ අපගේ සුභ පැතුම් මෙලෙස එක් කර සිටිනවා...
